ԿԱՐԵԿԻՑ ԼԻՆԵՆՔ ԹՈՒՅԼԵՐԻՆ ՈՒ ՏԿԱՐՆԵՐԻՆ

         Ճնճղուկները երամով գնացին արագիլի մոտ և  աղաչելով ասացին նրան .

        - Թույլ տուր մեզ  ձագեր հանելու քո բույնի մեջ և պաշտպանիր մեր ձագերն օձերից:

          - Ինձ ինչ կանեք , - ասաց արագիլը , - որ կատարեմ ձեր կամքը:

       - Կաղոթենք , - պատասխանեցին ճնճղուկները , - որ ձեր ձագերը միշտ առողջ մնան և զերծ ՝ վնասակար օդից ու եղանակից:

        Եվ արագիլը տեղ տվեց նրանց:

      Երբ ճնճղուկները ձագ հանեցին , օձը  սողաց դեպի բույնը նրանց ձագերն ուտելու: Արագիլն սպանեց այդ օձին և ման էր գալիս ամենուրեք, որ ոչնչացնի բոլոր օձերին ՝ ճնճղուկների ձագերին  փրկելու համար:

        Առակս ուսուցանում է կարեկից լինել տկարներին ու թույլերին և  ցանկանալ , որ ազատություն վայելեն նրանք:

ՄԽԻԹԱՐ ԳՈՇ