Արարատ Երիտասարդաց Միություն: февраля 2014

среда, 26 февраля 2014 г.

Բուն Բարեկենդանի տոնախմբությունների ժամանակացույցը

Մարտի 2-ին՝ ժ. 13.00-ին, Հյուսիսային պողոտա

Մարտի 2-ին` ժամը 15:00, ԱՀԹ երիտասարդաց միությունները հրավիրում են «10-10» ձիարշավարանում կազմակերպվող Բուն Բարեկենդանի տոնախմբության, որի ընթացքում կկազմակերպվի լավագույն դիմակի ու լավագույն կերպարի մրցույթ:
Տոնախմբության մուտքն ազատ է:

Մրցույթի անվանակարգերն են.

Լավագույն դիմակ
Լավագույն կերպար
Լավագույն ազգային կերպար
Լավագույն լուծում
Լավագույն լուսանկար

Ավան

Փետրվարի 26-ին՝ ժ. 17.00

Ավանի Ս. Աստվածածին եկեղեցու բակ

Հասցեն` Նարեկացի 1ա

Նորք – Մարաշ

Փետրվարի 27-ին՝ ժ. 14.00

Նորքի Ս. Աստվածածին եկեղեցու բակ

Էրեբունի

Փետրվարի 27-ին՝ ժ. 15.00

Մանկական զբոսայգի

Հասցեն` Ազատամարտիկների փողոց

Քանաքեռ-Զեյթուն

Փետրվարի 27-ին՝ ժ. 16.00

«Զեյթուն» մշակույթի տուն

Հասցե` Դավիթ Անհաղթի 21

Շենգավիթ

Փետրվարի 28-ին` ժ.16.00-ին

Պատանի ստեղծագործողների կենտրոն

Հասցե` Բագրատունյաց 5

Դավիթաշեն

Փետրվարի 28-ին՝ ժ.15.00

Սրբոց Նահատակաց եկեղեցու բակ

Կենտրոն

Փետրվարի 28-ին՝ ժ. 15.00

Քաղաքապետարանի հարևանությամբ գտնվող մանկական այգի

Աջափնյակ

Փետրվարի 28-ին` ժ.16.00

Գեղագիտության կենտրոն

Հասցե` Նորաշեն 16-րդ թաղամաս, երկրորդ շղթ,, 23շ

Արաբկիր

Փետրվարի 28-ին՝ ժ. 16.00

Վահագն Դավթյանի անվան Արաբկիր այգ

Հասցե` Նաիրի Զարյան 27

Մալաթիա-Սեբաստիա

Փետրվարի 28-ին՝ ժ. 14.00

Ս. Երրորդություն եկեղեցու բակում

Նուբարաշեն

Նուբարաշեն՝ 28-ին՝ ժ. 16.00

Մանկապարտեզի բակում` Նուբարեշեն 9-րդ փողոց, 12/1

Նոր Նորք

Փետրվարի 28-ին՝ ժ. 17.00

Տիգրան Մեծ այգում

Հացե` Գայի 19

Նորագավիթ

Ս. Գևորգ եկեղեցու բակ

понедельник, 24 февраля 2014 г.

Փետրվարի 24 - Սուրբ Մարկոս եպիսկոպոսի, Պիոն քահանայի, Կյուրեղ և Բենիամին սարկավագների և սուրբ վկաներ Աբդլմսեհի, Որմզդանայի և Սայենի հիշատակության օր

Սբ. Մարկոսը 4-րդ դարի կեսերին եղել է Արիթուսի եպիսկոպոսը: Նրան են վերագրում աստվածաբանական հայտնի բանաձևումներ: Հուլիանոս Ուրացողի հալածանքների ժամանակ ենթարկվել է բազմաթիվ տանջանքների, ապա` աքսորվել է հեռավոր մի կղզի, որտեղ էլ կնքել է մահկանացուն, կյանքի վերջին տարիները նվիրելով քրիստոնեության քարոզչությանը:

Հեթանոսների շրջանում քրիստոնեության տարածման նվիրյալ ջատագովներից է եղել նաև Սբ. Պիոն քահանան: Հայտնի է, որ գործել է Զմյուռնիայում, որտեղ և նահատակվել է իբրև քրիստոնյա քարոզիչ:

Հանուն քրիստոնեության մարտիրոսված սրբերից են Կյուրեղ եւ Բենիամին սարկավագները: Կյուրեղ սարկավագը, ամբաստանվելով հեթանոսական տաճարներ կործանելու մեջ, Հուլիանոս Ուրացողի կողմից հանձնվել է քրմերի դատին, որոնք և գազանաբար խոշտանգումների են ենթարկել բարեպաշտ քրիստոնյային:

Բենիամին սարկավագը նահատակվել է պարսից Հազկերտ Ա-ի օրոք` պարսից շրջանում քրիստոնեություն քարոզելու համար:

Հազկերտ Ա-ի օրոք նահատակված բազմաթիվ վկաներից են պարսից արքունիքի նախարար Որմզդանան եւ պարսից իշխան Սայենը: Նրանք երկուսն էլ, զրկվելով արքայական ու իշխանական վայելքներից, շարունակում են հավատարիմ մնալ Քրիստոսի հավատքին եւ նահատակվում իբրեւ նվիրյալ քրիստոնյաներ:

Պարսկաստանում մեծահարուստ հրեա ընտանիքի զավակ էր Աբդլմսեհը: Հայրական հոտը հովվելիս, ծանոթանում է քրիստոնյա հասակակիցների հետ, որոնք և մկրտում են նրան` տալով Աբդլմսեհ անունը, որ նշանակում է Ծառա Քրիստոսի: Աբդլմսեհի հայրը, չկարողանալով քրիստոնյա իր զավակին կրկին հավատափոխ անել, դաշունահար է անում որդուն այն նույն տեղում, որտեղ մկրտվել էր երանելին:

araratian-tem.am

четверг, 20 февраля 2014 г.

Փետրվարի 20 - Սուրբ Ոսկյանց քահանաների հիշատակության օր

Ըստ ազգային ավանդության, Ոսկյանք Հռոմի կայսեր կողմից հայոց Սանատրուկ թագավորի մոտ ուղարկված 5 դեսպաններ էին, որոնք առաջին դարի կեսերին գալով Հայաստան, հանդիպում են Թադեոս Առաքյալին և նրա քարոզներից ազդված, մկրտվում` դառնալով քրիստոնյա: Նրանցից գլխավորը` Խռուսին (հայերեն` Ոսկի, այստեղից էլ` Ոսկյաններ) ձեռնադրվում է նաևքահանա: Թադեոս առաքյալի նահատակությունից հետո Ոսկյանք մեկուսանում են հայոց Ծաղկոտն գավառի Ծաղկավետ կոչված լեռներում և շուրջ 40 տարի ճգնակյաց կյանք վարում: Առաջնորդվելով աստվածային պատգամով` նրանք գալիս են հայոց արքունիք` քրիստոնեություն քարոզելու հայոց Արտաշես թագավորին ու Սաթենիկ թագուհուն: Արքունիքում Ոսկյաններին հետևում են միայն Սաթենիկ թագուհու ազգականները: Ալանաց երկրից թագուհու հետ Հայաստան եկած շուրջ 18 պալատականներ, որոնք մկրտություն են ստանում Եփրատ գետում և Ոսկյանների հետ հեռանում են լեռներ:

Սաթենիկ թագուհու ազգականները, որոնք հետևում էին Ոսկյաններին, իրենց գլխավորի` Սուքիասի անունով հետագայում կոչվում են Սուքիասյանք: Չհաջողելով համոզել եւ ետ վերադարձնել նախկին պալատականներին` հայոց արքայորդիները վրեժխնդիր են լինում նրանց քարոզիչներին` Ոսկյաններին, սրախողխող անելով նրանց:

Ոսկյանները Հայ եկեղեցու առաջին նահատակներից ու ճգնավորներից են: Նրանց հիշատակությունը, ըստ եկեղեցական օրացույցի տոնվում է կամ առաջավորաց պահքին հաջորդող հինգշաբթի օրը (ինչպես այս տարի) կամ Սուքիասյանց տոնի հետ միասին:

araratian-tem.am