ԻՆՉՊԵՍ ՊԱՀԵԼ ԻՐԵՆ ՄԱՐԴԿԱՆՑ ՀԵՏ ՀԱՐԱԲԵՐՈՒՈԹՅՈՒՆՆԵՐՈՒՄ

     

       Ինքը՝ Աստված այս հարցին պատասխան տվեց, երբ ասաց. «Սիրի՛ր մերձավորիդ, ինչպես ինքդ քեզ»:

                                                                                                                                   (Ղուկ.10:27) 

      Եվ Տեր Հիսուս Քրիստոսը խիստ համառորեն մեզանից՝ բոլորիցս պահանջում է սիրել մինյանց:
                                                                             

                              (տե՛ս  Հովհ. 15.12;  17.13-34; Ա Պետր.1.22;

                                            Ա Հովհ 4.7; 3.11-23; Բ Հովհ. 1.5;Եփես. 5.2; Սող. 4.9; Հակ. 2.8)

       Այդ սիրո չափը հստակ որոշեց Ինքը՝ Տերը, երբ ասաց. «Այն ամենը, ինչ կամենաք, որ մարդիկ ձեզ անեն, այդպես և Դուք արեք նրանց, որովհետև այդ իսկ  են Օրենքն ու մարգարեները»: 

                                                                                           (Մատթ. 7.12)

      Եվ այսպես կատարիր հետևյալը. դու քեզ բարեկեցությո՞ւն ես կամենում, բարեկեցություն կամեցիր քո մերձավորին: Քեզ համար հաճելի՞ է, որ քո մասին լավ են արտահայտվում, ուրեմն լավ արտահայտվիր քո մերձավորների մասին: Քեզ համար տհա՞ճ է, երբ քո մասին վատ են արտահայտվում, ուրեմն ինքդ ոչ մեկի մասին վատ մի արտահայտվիր:

      Հատկապես զգուշացիր մերձավորիդ զրպարտելուց: Ինքդ մի՛ զրպարտիր և ուրիշներից մի՛ լսիր դատապարտություն կամ բամբասանք:

          Քեզ համար տհա՞ճ է, երբ տարածում են քո պակասությունները և արատները, ուրեմն մի՛ տարածիր մերձավորիդ պակասություններն ու արատները:

         Քեզ համար տհա՞ճ է, երբ քեզ հետ կոպիտ են վարվում կամ կոպտում են քեզ, ուրեմն բոլոր մարդկանց սիրալիր վարվիր, հատկապես զգուշացիր հայհոյական և վիրավորական բառեր օգտագործելուց:

                                                                                                       Տեր Պետրոս ավգ. քհն. Մալյան